Zarpas, o gato mudo

A historia comeza un día en que o pequeno Adrián recibe unha sorpresa inesperada. Ao abrir a porta da súa casa, atópase cos seus avós, quen lle traen un agasallo moi especial: unha caixa dourada que agocha un segredo. Dentro da caixa hai un gatiño laranxa, doce e quentiño como un amencer, ao que Adrián decide chamar Zarpas. Porén, hai algo diferente nel: Zarpas é un gatiño silencioso que non di nin un "miau". Tras unha visita á veterinaria, Adrián descobre que o seu novo amigo está san, pero que simplemente "fala doutro xeito". A maxia comeza cando Adrián pon música na casa. Zarpas, ao escoitar as melodías, comeza a espertar e a expresarse a través de notas de cores e cancións. Xuntos, descobren que non precisan palabras para entenderse: a música convértese na súa linguaxe universal. Desde o rock ata a música clásica, Zarpas reacciona a cada ritmo como un artista multifacético, enchendo a vida de Adrián de luz, cor e harmonía.